Другія Адам і Ева – гэта генератары новай рэальнасці, яны здольныя ствараць, гатовыя змагацца і быць незалежнымі.
Відавочны лейтматыў калекцыі – back to basics, ці вяртанне да вытокаў: на першы план выходзяць прыродныя рысы натуральных матэрыялаў, "сырыя", г.зн. неапрацаваныя краі і складанасць крою. Так, з аднаго боку выяўляецца новая "першабытнасць", у якой героі закліканы да тварэння і ўладкаванню новага свету, а з іншага — дэманструецца багаж спазнанага, які фармуе дасканаласць ліній.
У ідэйным плане асабліва паказальная мужчынская частка калекцыі. Тут вяршэнствуе вобраз абаронцы, відавочнага на кантрасце моцнага і слабога пачатку, прадстаўленага ў жаночых вобразах. Сілуэты мужчынскіх камплектаў нібы нагадваюць элегантныя даспехі. У тым жа ключы ў калекцыі працуе колер: лёгкасць і воля белага супрацьпастаўляецца стабільнасці і грунтоўнасці чорнага, пры гэтым такія кантрасныя колеры злучаюцца ў адценнях шэрага, пудравых і далікатных пастэльных танах. Густы тэракот, насычаны хакі і сталёвы бляск металізаванай скуры выяўляюць проціборства і волю да заваявання асяроддзя.
