Вераніцы — 17 гадоў. Яна студэнтка Беларускага дзяржаўнага ўніверсітэта транспарту, асвойвае спецыяльнасць "Архітэктура прамысловых і грамадзянскіх збудаванняў".
"Дагледжаны выгляд, пісьменная гаворка і кнігі" — так фармулюе сваё жыццёвае крэда Вераніка Чачына.
З ранняга ўзросту яна захапляецца жывапісам, архітэктурай, фатаграфіяй, чытаннем мастацкай літаратуры. Спорт у жыцці Веранікі хутчэй дзеля задавальнення, перавагу яна аддае плаванню і катанню на каньках.
Вераніка Чачына — пераможніца рэспубліканскіх алімпіяд па беларускай мове і гісторыі, лаўрэат маладзёжнага конкурсу навукова-даследчых прац "Свет праз культуру", удзельніца міжнароднага мастацкага конкурсу "На сваёй зямлi".
Прыгажуня з Гомеля — паспяховая мадэль. Яна атрымала тытул "Міс Прыгажосць і грацыя" на конкурсе "Прыгажуня Палесся 2013" (Гомель), зусім нядаўна стала фіналісткай праекта "FotoART 2013" (Гомель) у намінацыі "Фотамадэль". Таксама Вераніка — удзельніца і лаўрэат некалькіх намінацый міжнароднага фестывалю прыгажосці "Неўскія берагі" (Санкт-Пецярбург), удзельніца беларускага тыдня моды.
на фота: Вераніка Чачына