падзяліцца

Adidas

Adidas

Нямецкая кампанія, заснаваная Адольфам Дасслерам, вядомая ва ўсім свеце. Больш чым паўвекавая гісторыя Adidas пацвярджае справядлівасць дэвізу кампаніі - "Impossible is nothing" (немагчымае магчыма)!


Adidas AG - нямецкі канцэрн па вытворчасці спартыўнай адзежы, абутку і інвентара.

Годам заснавання кампаніі лічыцца 1924. А ўсё пачыналася з сямейнага бізнэсу. У 1920 годзе сям'я Дасслераў пачала вырабляць хатнія тапачкі і артапедычны абутак. Сыравінай служыла старое ваеннае абмундзіраванне і зношаныя аўтапакрышкі.

1 ліпеня 1924 года была заснавана Gebruder Dassler Schuhfabric ("Абутковая фабрыка братоў Дасслераў"). У 1925 годзе Адольф Дасслер вынайшаў футбольныя буцы з шыпамі. Праз два гады для абутковай вытворчасці быў арандавана асобны будынак, які пасля быў выкуплены.

Першае з'яўленне спартыўнага абутку братоў Дасслераў на Алімпійскіх гульнях адбылося ў 1928 годзе ў Амстэрдаме - некалькі спартсменаў аддалі перавагу выкарыстоўваць менавіта гэты абутак. Гадамі пазней, перамогі спартсменаў, якія выступалі ў абутку братоў Дасслераў, эфектыўна эксплуатуюцца ў рэкламных кампаніях і чакана прыносяць сур'ёзны камерцыйны поспех.

У 1938 годзе адкрываецца 2-ая фабрыка Дасслераў у нямецкім горадзе Херцагенаўрахе - гэта дазваляе павялічыць вытворчасць усяго прадпрыемства да тысячы пар абутку штодня.

Пасля Другой сусветнай вайны браты Дасслер паднімаюць вытворчасць абутку з нуля. А праз 3 гады браты пасля сваркі спыняюць існаванне сусветна вядомага ў той час брэнда Dassler. І з'яўляюцца фірмы Adidas (у назве скарыстана абрэвіятура ад імя заснавальніка - Адзі Дасслер) і Puma. Ізноў утвораныя фірмы пачынаюць працаваць ва ўмовах жорсткай канкурэнцыі.

18 жніўня 1949 года Адольф Дасслер запатэнтаваў сімвал Adidas.

У 50-60-я гады кампанія Adidas павялічвае асартымент сваіх тавараў - з'яўляецца вытворчасць тэкстылю, спартыўнай адзежы, торбаў, мячоў. У 1956 годзе кампанія пашырае геаграфію вытворчасці - прадукцыю Adidas пачалі выпускаць у Нарвегіі, а крыху пазней і ў Францыі. У канцы 60-х Adidas упершыню ў свеце вырабіў спартыўны абутак з літой падэшвай з поліўратана.

У 1972 годзе Adidas становіцца тытульным спонсарам Летніх Алімпійскіх гульняў у Мюнхене.

З 1979 года спартыўныя тавары пад маркай Adidas экспартуюцца ў СССР.

Крызіс 90-х прыносіць кампаніі велізарныя страты. Французскі бізнэсмэн Бярнард Тапі набывае 80 % акцый Adidas - так сусветны брэнд перастае быць сямейным прадпрыемствам дынастыі Дасслераў.

C 1993 года кампанія пачынае фармаваць сетку ўласных фірменных магазінаў.

фірменны магазін Adidas у Мінску. Adidas

на фота: фірменны магазін Adidas у Мінску


Новы рост продажаў і павелічэнне долі сусветнага рынка спартыўнай адзежы і абутку звязаны з Летнімі Алімпійскімі гульнямі 1996 года, дзе Adidas ізноў выступіў генеральным спонсарам.

У 2005 годзе кампаніяй Adidas былі выкуплены ўсе акцыі свайго канкурэнта Reebok International Ltd, што значна павялічыла ўласную долю амерыканскага рынка спартыўных тавараў.

У наш час канцэрн Adidas AG мае 8 прадпрыемстваў у Германіі і больш 25 даччыных падраздзяленняў у іншых краінах свету. Штат супрацоўнікаў канцэрна - 46.824 чалавек (2011). Узначальвае Adidas Герберт Хайнер.

Канцэрн валодае гандлёвымі маркамі: adidas, Reebok, TaylorMade-adidas Golf, Rockport, Reebok-CCM Hockey.


апошняе абнаўленне: 18.02.2013

матэрыял падрыхтаваны: mod-no.com

фота: Раман Леановіч, "Модныя ножкі"