кажух

верхняе зімовае мужчынскае і жаночае адзенне з аўчын [1]

Вядомы ў многіх народаў, асабліва ўсходніх славян. У беларусаў шылі з нядубленых, пазней вырабленых аўчын жоўта-карычневага, вохрыста-цаглянага, радзей белага колераў. Паводле крою былі прамыя, прыталеныя і з "вусам" (ушытым па баках ад таліі шырокім клінам; характэрныя для Палесся). Святочныя кажухі багата аздаблялі нашыўкамі паскаў белай або чорнай аўчыны воўнай наверх, паскамі і лапікамі сукна, тонкай скуры, плеценымі тасёмкамі, пярэстым шнурам, вышыўкай гладдзю. Сярод традыцыйных кажухоў мастацкім афармленнем, дасканаласцю крою і шытва вылучаюцца мотальскія, калінкавіцкія, магілёўскія. М.Ф.Раманюк [1]


апошняе абнаўленне: 06.04.2013

матэрыял падрыхтаваны: mod-no.com

у матэрыяле выкарыстана літаратура:

аўтар: [1] "Беларуская энцыклапедыя" у 18 т. - Мн.: БелЭн, 1996