падзяліцца

сарафан

рускае нацыянальнае жаночае адзенне - сукенка, звычайна без рукавоў, якую апраналі паверх кашулі

У дапятроўскай Русі сарафан насілі ў баярскім асяродку, у 19 ст. - галоўным чынам сялянкі ў паўночных і цэнтральных абласцях Расіі, у Паволжы, Сібіры, а таксама некаторыя гараджанкі. Найбольш старажытны тып сарафана - без разрэзу спераду, з шырокімі проймамі, часам з несапраўднымі адкрытымі рукавамі. У сярэдзіне 19 стагоддзя быў пашыраны сарафан, сшыты з касых кліноў, які зашпільваўся спераду на гузікі; пазней - сарафан прамога крою на лямках, а таксама адразны сарафан, які складаўся з ліфа і спадніцы. У пачатку 20 стагоддзя выйшаў з ужытку. На Беларусі адзразны сарафан вядомы ў краснапольскім строі. [1]


апошняе абнаўленне: 22.07.2014

у матэрыяле выкарыстана літаратура:

[1] "Беларуская энцыклапедыя" у 18 т. - Мн.: БелЭн, 1996