падзяліцца

світа

доўгая сялянская верхняя вопратка з даматканага сукна [1]

Бытавала ў беларусаў, рускіх, украінцаў да 1930-х гадоў. На поўначы Беларусі насілі світкі прамога халатападобнага крою (спінка і пярэдняе крыссе прамыя), у цэнтральных раёнах - з адразной спінкай (ніжняя частка ў зборкі, пярэдняе крыссе прамое) і з неадразной спінкай, звужанай у таліі (ад проймы рукавоў зашывалі вытачкі, якія ніжэй таліі ўтваралі фальбоны альбо фалды). Для Палесся характэрны світкі "з вусамі" - вялікімі клінамі, ушытымі па баках ад таліі і ўпрыгожанымі каляровым шнурам, пярэстымі пампонамі, вышыўкай. [2]


апошняе абнаўленне: 11.04.2013

у матэрыяле выкарыстана літаратура:

[1] "Тлумачальны слоўнік бел. літаратурнай мовы: больш за 65 000 сл. Пад рэд. М.Р.Судніка, М.Н.Крыўко - 3-е выд." -Мн.: БелЭН, 2002
[2] "Беларуская энцыклапедыя" у 18 т. - Мн.: БелЭн, 1996