падзяліцца

персоны / інтэрв'ю / Інтэрв'ю з пераможцам конкурсу "Містэр Гомель 2014"

Інтэрв'ю з пераможцам конкурсу "Містэр Гомель 2014"

Інтэрв'ю з пераможцам конкурсу "Містэр Гомель 2014"

Праз некалькі хвілін пасля завяршэння цырымоніі ўзнагароджання 21-летні студэнт Святаслаў Фешчук адказаў на некалькі нашых пытанняў


 Гомель
Беларусь

— Чаму Вы вырашылі ўдзельнічаць у конкурсе "Містэр Гомель 2014"?

— Мяне вельмі вабіць сцэна, мне падабаецца выступаць на ёй. Летась (у конкурсе "Містэр Гомель 2013" – заўв. рэд.) удзельнічаў мой сябар. Неяк я пайшоў за кампанію з ім на прымерку, і там арганізатары конкурсу спыталі ў яго: "А чаму твой сябар не ўдзельнічае?" А я не захацеў удзельнічаць, каб не ствараць канкурэнцыю свайму сябру. Але тады - год назад - вырашыў, што пайду сёлета, і пайшоў!

— Сёлета праходзіў Першы Нацыянальны конкурс "Містэр Беларусь 2014". Вы бралі ўдзел у кастынгу гэтага конкурсу?

— Так, я ездзіў на кастынг.

— Што Вам сказалі, якія засталіся ўражанні?

— Уражанні, насамрэч, былі класныя. Я прыехаў туды (на кастынг "Містэр Беларусь 2014" – заўв. рэд.) - усім спадабаўся. Мне сказалі: гадуй валасы, тут трошкі схудней, тут - трошкі набяры. Я ўсяму гэтаму вынікаў, але чамусьці яны не патэлефанавалі - напэўна, не падышоў...

— А ў наступным конкурсе "Містэр Беларусь" будзеце спрабаваць свае сілы?

— Думаю, калі паспею з войска прыйсці - так.

— Вы сёлета заканчваеце вучобу ў ВНУ?

— Праз год заканчваю, іду ў войска - магчыма, паспею...

— Выбар пераможца конкурсу "Містэр Беларусь 2014" Вас задаволіў ці Вы кагосьці іншага жадалі б бачыць на гэтым месцы?

— Калі казаць на чысціню, я даўно хварэў за аднаго хлопца, ён з Мазыра, ён быў у тройцы фіналістаў...

— Аляксандр Пархімовіч?

— Так-так-так. Наколькі я ведаю, пераможца конкурсу "Містэр Беларусь 2014" будзе ўдзельнічаць у "Містэр Свету". Увогуле, я лічу, што ён годны быў бы там паўдзельнічаць. І, як містэр, я лічу, глядзеўся на ўзроўні іншых містэраў годна.

— Што Вы плануеце сёлета зрабіць, маючы тытул "Містэр Гомель 2014"?

— Я, напэўна, пайду ў якую-небудзь мадэльную школу, і пасля гэтага, магчыма, пачну ўдзельнічаць у паказах, здымках і г.д.

— Як Вы, думаеце, такія конкурсы, як "Містэр", патрэбныя?

— Я лічу, што патрэбныя!

— Г.з. менавіта конкурсы прыгажосці? Ці ўсёткі для мужчын важней у конкурсах паказаць не знешнюю прыгажосць, а, напрыклад, праяву моцы, мужнасці і г.д.?

— Я думаю, не проста так мы майкі здымалі, правільна? І не проста так за гэта ставілі адзнакі. Калі б гэта быў не проста конкурс прыгажосці, а конкурс нейкіх творчых здольнасцяў, думаю, мы б майкі не здымалі. Таму, я лічу, што ўсёткі ёсць частка мужчынскага ў гэтым конкурсе, і не трэба гэтага саромецца.

Святаслаў Фешчук. Інтэрв'ю з пераможцам конкурсу "Містэр Гомель 2014" (нарады і вобразы: чорны касцюм, белая кашуля, чорна-белы гальштук-матылёк)

на фота: Святаслаў Фешчук



фота: Раман Леановіч, "Модныя ножкі"
перадрук інтэрв'ю забаронены без пісьмовага дазволу адміністрацыі партала

персоны / інтэрв'ю / Інтэрв'ю з пераможцам конкурсу "Містэр Гомель 2014"