Самай прыгожай дзяўчынай беларускага Палесся (у межах Гомельскай вобласці) стала 18-гадовая студэнтка другога курсу Беларускага дзяржаўнага ўніверсітэта транспарту Маргарыта Букшта (Гомель). Тытул Першай і Другой Віцэ-прыгажуні атрымалі адпаведна Наталля Лазута (Акцябрскі) і Анастасія Кузняцова (Ветка). Усе тры дзяўчыны атрымалі ў падарунак ювелірныя ўпрыгожванні ад генеральнага партнёра мерапрыемства — Гомельскага ВА "Крышталь", а таксама сертыфікаты ад "Мілавіцы" і наборы прафесійнай касметыкі для валасоў "Matrix".
Акрамя гэтага, былі абраны пераможніцы ў дадатковых намінацыях. Вераніцы Чачынай дасталіся "Прыгажосць і грацыя" і "За волю да перамогі", а па выніках Інтэрнэт-галасавання "Прыз глядацкіх сімпатый" атрымала Анастасія Кузняцова.
на фота: Маргарыта Букшта
Праект "Прыгажуня Палесся" — дэбютны. Конкурс складаўся з некалькі этапаў. Так, са снежня мінулага года па студзень 2013 года творчая каманда Цэнтра моды і прыгажосці "Крыштальная німфа" наведала ўсе рэгіёны Гомельскай вобласці і адабрала лепшых канкурсантак. Па выніках кастынгаў у фінал выйшлі 18 удзельніц.
Наступны этап складаўся з двухтыднёвай падрыхтоўкі дзяўчат да конкурсу – правядзенне фотасесій, наведванне салярыя "Хамелеон" і фітнес-цэнтра "Стадыён Цэнтральны", а таксама паход на лядовы каток і ўдзел у вечарынцы ў клубе "Hollywood". Дзяўчаты наведалі дзяцей з Гомельскага дзіцячага дома, пабывалі ў кінатэатры імя Калініна, на экскурсіі ў Палацава-паркавым ансамблі Румянцавых і Паскевічаў і ў філіяле Веткаўскага музея.
на фота: выхад канкурсантак у купальніках прайшоў пры падтрымцы кампаніі "Мілавіца"
