"Miss Supranational" праводзіцца штогод. Пачынаючы з першага конкурсу, які ўпершыню адбыўся 5 верасня 2009 года, краіна правядзення — Польшча — не мянялася.
Сёлета ў Варшаўскім тэатры сабраліся прыгажуні з 53 краін свету.
Наша суайчынніца, нараджэнка горада Бабруйска, 23-гадовая Кацярына Бурая (рост 177 см) была прызнана самай прыгожай дзяўчынай. Карону беларусцы перадала ўладальніца "Miss Supranational 2012" полька Monika Lewczuk.
на фота: Кацярына Бурая
фота: Тэлеканал АНТ
Першай Віцэ-міс стала 26-гадовая прафесійная мадэль Nanthawan Wannachutha (рост 176 см) з Тайланда, Другой — студэнтка Michaela Dihlova (21 год, рост 177 см) з Чэхіі, Трэцяй — 20-гадовая студэнтка (рост 180 см) Elaine Kay Moll з Філіпін, Чацвёртай — студэнтка Sulay Castillo (21 год, рост 178 см) з Эквадора.
У топ-20 увайшла і 17-гадовая польская прыгажуня (рост 179 см) Agnieszka Karasiewicz.
Тытулы кантынентальных каралеў прыгажосці атрымалі —
"Афрыка": Michelle Giden-Huys з Паўднёвай Афрыкі,
"Амерыка": Elissa Estrada з Панамы,
"Азія": Lai Huong Thao з В'етнама
і "Еўропа": 19-гадовая Юлія Пракапенка (рост 173 см) з Даніі.
"Міс Інтэрнэт" стала Nanthawan Wannachutha з Тайланда. Самай таленавітай дзяўчынай аказалася Юлія Пракапенка з Даніі. Іншыя спецыяльныя тытулы атрымалі: "Міс Элегантнасць" — Кармэн Фернандэс з Партугаліі, "Міс Асоба" — Sabrina Simba Kubwimana з Руанды, "Міс Сяброўства" — Ester Shatipamba з Намібіі, "Міс Фотагенічнасць" — Michaela Dihlova з Чэхіі, "Міс імя св. Георгія" — Lai Huong Thao з В'етнама, "Лепшы нацыянальны касцюм" — Damaris Aguilar з Кубы, "Лепшая Топ-мадэль" — 22-гадовая Katie Starke (рост 178 см) з Канады і "Лепшая фігура" — Sulay Castillo з Эквадора.
Дзяўчыны з Расіі, Украіны і Латвіі ў конкурсе не ўдзельнічалі. Літву на конкурсе прадстаўляла 21-гадовая (рост 174 см) Nora Sudaryte.
Годам раней беларуска Людміла Якімовіч (пераможніца конкурсу "Міс Беларусь 2010") атрымала тытул Першай Віцэ-міс "Miss Supranational 2011".