Па рашэнню журы конкурсу, у складзе якога былі заўважаны вядомы шведскі спявак Bosson і алімпійскі чэмпіён Антон Кушнір, у тройку пераможцаў увайшлі тры мінчанкі. Уладальніцай галоўнага тытула стала 21-гадовая ўраджэнка Смаргоні, медсястра Вікторыя Мігановіч, Першая Віцэ-міс — 22-гадовая Крысціна Марцінкевіч і Другая Віцэ-міс — 21-гадовая Дар'я Фаміна.
У ТОП-10 таксама ўвайшлі: Валерыя Сінюк, Ганна Семянюк, Яна Ждановіч, Вераніка Рыдкіна, Юльяна Вырко, Алена Верамейчук і Анастасія Кузняцова.
Незадоўга да фіналу былі вызначаны і ўладальніцы спецыяльных тытулаў: стужачка "Міс Сяброўства" апынулася ў Ангеліны Нярушкінай, "Міс Топ-мадэль" — у Вікторыі Васілеўскай, "Міс Фота" — у Яны Ждановіч. А самая народная намінацыя — "Міс Глядацкіх сімпатый" па выніках інтэрнэт-галасавання на сайце тэлеканала АНТ дасталася Вераніцы Батвянковай. Тытул "Міс Спорт", аналаг якога, дарэчы, вельмі папулярны на міжнародным конкурсе "Міс Свету", сёлета ў фінале Нацыянальнага конкурсу "Міс Беларусь 2014", нажаль, не ўручаўся.
Фінал "Міс Беларусь 2014" складаўся з музычных нумароў папулярных выканаўцаў (Bosson, Цімур Радрыгез і інш.), а таксама традыцыйных выхадаў саміх канкурсантак у розных жаночых уборах, у тым ліку ў купальніках.
на фота: Вераніка Бабко
на фота: Вікторыя Мігановіч
на фота: Дар'я Фаміна, Вікторыя Мігановіч, Крысціна Марцінкевіч
