Свавольныя нявесты Яніса Чамалідзі у празрыстых карункавых уборах павольна ішлі па воднай паверхні сажалкі, разглядалі бездакорнае адлюстраванне ў чорным "люстэрку", папраўлялі вэлюм, і вярталіся ў парк.
Яніс Чамалідзі: "На "Асацыяцыях" я заўсёды паказваю вясельную калекцыю ад куцюр, таму абраў "Утаймаванне свавольнай", твор, на мой погляд, неверагодна актуальны. Справа не толькі ў вясельным сюжэце. Для мяне важная гісторыя кахання, дзе эгаістычны, шалапутны, свабодалюбны чалавек гатовы пайсці на кампраміс, каб пацешыць закаханага. Бо на пастаянныя, хай невялікія саступкі ў штодзённым побыце ісці значна складаней, чым вырашыцца адзін раз на вялікую ахвяру."
