"Чалавечыя істоты, расліны ці касмічны пыл, уся светабудова таньчыць пад загадкавую мелодыю нябачнай флейты."
Альберт Эйнштэйн
Калекцыя PODOLYAN SS 2013 прысвечана бязмежнаму Сусвету і касмічнаму Пылу, з якога усё адбылося і ў які ўсё ў выніку ператвараецца.
Сціснуўшы бясконцасць да аднаго дня даўжынёю ў жыццё, дызайнер адкрывае калекцыю дзённымі камплектамі адзення, якія складаюцца з лёгкіх, бязважкіх, складана пашытых сукенак і топаў, у мігатлівым зялёным і холадна белым колерах, якія ідэальна падкрэсляць фігуру і падораць вам энергію святла і маладосці. Завяршае калекцыю ўсёпаглынальны чорны, у плашчах, касцюмах, і сукенках, ахінаючых ўвесь Сусвет, які дазволіць вам адчуць абароненасць, адчуванне таямніцы, і ўсё што злучана з цішынёй, і бясконцасцю.
Дэталі крою, закадзіраваныя ў складках-промнях, і кругавыя акцэнты-аплікацыі на тканіны сімвалізуюць бясконцасць, кожны нюанс якой з'яўляецца часткай аднаго цэлага.
"Жыццё, пражытае за адзін дзень — гэта так шмат", — дызайнер адкідваючы разнастайныя забабоны, прапануе пражыць гэты дзень на максімальнай хуткасці. Нароўні з доўгімі сукенкамі ў падлогу, у калекцыі PODOLYAN S/S-2013 прадстаўлены не ўласцівыя характэрнаму стылю маркі кароткія сукенкі і спадніцы; побач з утылітарнымі паркамі ўжываюцца прыталеныя жакеты і адкрытая празрыстасць.
І ўрэшце сыдучыся разам, усе дэталі пражытага дня губляюцца ў бясконцым Сусвеце, адкрываючы новыя гарызонты тым, хто рызыкнулі выйсці за рамкі звыклага. Не трэба пытаць сябе пра сэнс жыцця, і пра тое, што ўсё гэта значыць. Мы проста павінны здагадацца. І калі вы давяраеце гэтаму пачуццю, сэнс жыцця адкрыецца вам, так як вы і марылі пра гэта.
