Паўбоцікі пашыты са скуры карычнева-чырвонага колеру.
Абутак мае шырокі, абцягнуты скурай, абцас вышынёй 6 см. Скураная падэшва прыбіта драўлянымі цвічкамі. Насок тупы.
Халява ў верхняй частцы выканана ў выглядзе фігурнага выраза з узорам з маленькіх адтулін і аздаблення машынным радком.
на фота: халява жаночых паўбоцікаў-"румынак"
Падшэўка - з натуральнага футра.
Зашпілька выканана ў выглядзе раменьчыка. Паўбоцікі мелі і металічныя спражкі, якія, нажаль, не захаваліся - засталіся толькі "вушкі" са скуры для іх замацавання.
"Румынкі" зроблены па замове ў горадзе Бабруйску.